ఈ మంటలనార్పండి

 దేశం తగలబడి పోతున్నది 

నిప్పు లేకుండానే ధరలు ఆకాశంలో మండుతున్నాయి 

ఉగాది

ఉగాది పండగ వచ్చింది

కొత్త అందాలూ తెచ్చింది 

గున్న మామిడి కొమ్మ మీద 

కోయిలమ్మ కొత్త చివుళ్ళు తింటూ 

తీయని రాగం పాడింది

ప్రకృతికే  శోభనిచ్చింది

వేపపూతలో చేదుదనం

మామిడిలోని పుల్లదనం 

చెరకులోని తీయదనం 

జీవితంలో కలసి ఉంటాయి 

కష్ట సు:ఖాలు  కావడి కుండలని

సుఖ దుఃఖాల మిశ్రమం జీవితమని 
 తెలుసుకో తెలివిగా మసలుకో.        

సిగ్గు లేదు

అడక్కు  తింటున్నావు సిగ్గులేదు 

బిచ్చాగాడ్ని కసిరిందో ఇల్లాలు 

 దానికి బిచ్చగాడి సమాధానం

తల్లీ, నువ్వు ఈ దేశంలో పుట్టావ,

విదేశాలనుంచి వచ్చావ?

చరిత్రపుటలను తిరగెయ్యి

గత వైభవాలను గుర్తుతెచ్చుకో 

తెలుస్తుంది ఈ లోకంలో అడక్క తినే వారెవరో 

భారత,భాగవతలన్నింటి లోను 

అడక్క తినటమే కదా మూలం 

వామనుడు మూడు అడుగుల నేలనిమ్మని 

బలిచక్రవర్తిని అడుక్కున్నాడు 

బంగారు కొండమీది ఇంద్రుడు 

తనయుడి కోసం కవచకుండలాలు అడుక్కున్నాడు 

కురుక్షేత్రంలో కుంతి కర్ణుడిని 

ధర్మ రాజు భీష్మున్ని అడుక్కున్నారు

రాష్ట్రం కేంద్రాన్ని,కేంద్రం ప్రపంచాన్ని అడుక్కుంటుంది 
పెద్ద దేశాలు చిన్న దేశాన్ని అడుక్కుంటున్నాయి 

వాళ్ళకి లేని సిగ్గు నాకెందుకు ? 

దేశాన్ని దోచుకు తినేవాడికి ఉండాలి

తల్లిదండ్రుల్ని గౌరవించని వారికుండాలి 

డబ్బు కోసం గడ్డి తినేవాడికుండాలి

చెలికి, చెల్లికి తేడా తెలియని వాడికుండాలి

వాళ్ళకు లేని సిగ్గు నాకెందుకు ?

మనిషి

మనిషి మనసు వికసిస్తే అనుబంధం
మనిషి మనసు వికటిస్తే వైరాగ్యం
మనిషి మేధస్సు మధిస్తే విజ్ఞానం
మనిషి మనసు చితికితే అజ్ఞానం
సుఖాలలో అందరూ నీ వాళ్ళే
కష్టాలలో మిగిలేవి కన్నీళ్ళే

పాపాయి

బోసి నవ్వుల పాపాయి

బుజి బుజి నడకల పాపాయి

గల గల పారే సెలయేరులా

తల తల మెరిసే తారకలా

కల కల కిల కిల నవ్వేవు

కష్టాలను మరిపించేవు

ఉంగా ఉంగా అంటావు

బుంగ మూతినే పెడతావు

దొంగ చూపులే చూస్తావు

దొర నవ్వులే నవ్వేవు

వద్దంటే రాక మానవు

ముద్దంటే ఈక మానవు

ప్రేమ

భువికే వెలుగై ఉదయించు ప్రేమ
హృదయాన్ని రవళించు స్పందన ప్రేమ
సంగీత లహరులు అందించు ప్రేమ
మాటలకందని మధురిమ ప్రేమ
కావ్యాల కడలిలో కమనీయ ప్రేమ
చరిత్ర పుటలలో చర్విత ప్రేమ
వేద ఘోషలో నిండిన ప్రేమ
ఉదయించే వెన్నెల ప్రేమ
ఇతిహాసాలకు నిలయం ప్రేమ
ఉపనిషత్తుల అధ్యయనం ప్రేమ

జీవిత నౌక

 జీవిత నౌకలో పయనించు జీవుడా
సుఖ దుఖాలకతీతుడవు కాలేవు
దుఖం వెనుకే సుఖముంటుందని
ఆశ లేనిదే ఆవేదన లేదని
ప్రేమ లేనిదే ఆరాధన లేదని గ్రహించు
జీవితంలో పెనుచీకటి కమ్మిందని
సుడిగాలులు చెలరేగినవని
భయపడకు,భాద పడకు
జీవితం సుఖ దుఖాల మిశ్రమం
ఆలోచనలతో ఆవేదన పొంది
విలువైన కాలాన్ని వ్యర్థం చేయకు
భవిష్యత్ కై పోరాటం సాగించు
కష్టాల కడలినే అధిగామించు